Gjilan – Shtyrja e mësimit parauniversitar është humbje e madhe për nxënësit, e veçmas për nxënësit e shkollës fillore, dhe më e rënda, për nxënësit e klasave të para ka shkruar deputetja Valentina Bunjaku Rexhepi.
Postimi i plotë
Menaxhimi i dështuar i pandemisë COVID-19 nga Qeveria Kurti 2, jo vetëm solli numër të lartë të vdekjeve për çdo ditë, por po i kushton edhe arsimit dhe ekonomisë, duke u shtyrë procesi mësimor deri në një muaj.
Në një shtet të përgjegjshëm, pas aq shumë vdekjeve dhe infektimeve të reja, administrimit joefikas të vaksinimit dhe mungesës së decentralizimit të shërbimeve të vaksinimit, si dhe humbje të mësimit, do të duhej Ministri i Shëndetësisë, të jepte dorëheqje, ose të shkarkohej nga Kryeministri i Kosovës, e lëre më të kandidonte më për Kryetar të Komunës së Prishtinës.
