Shtyhet serish nënshkrimi i kontratës për shitjen e PTK-së

Komisioni Qeveritar për Privatizimin e PTK-së sërish ka shtyrë afatin për i nënshkrimit të kontratës për privatizimin e 75 % të aksioneve të PTK-së. E marta ishte dita e fundi e paraparë për nënshkrimin e kontratës për privatizimin e PTK-së.

Zyrtarë të Ministrisë së Zhvillimit Ekonomik kanë zhvilluar një takim dhe ka analizuar rrjedhën aktuale të projektit dhe hapat që do të ndërmerren në vijim në lidhje me privatizimin e 75% të aksioneve të PTK-së dhe kanë ardhur në përfundim që për herë të tret të shtyhet nënshkrimi.

“KQP e njofton opinionin publik se shtyrja ka ardhur si rezultat i refuzimit nga ana e KQP-së të kërkesave shtesë të këtij konsorciumi në lidhje me procesin e privatizimit,e të cilat nuk kanë qenë pjesë e pakos tenderuese. Kjo shtyrje është miratuar vetëm pasi që KQP është siguruar që konsorciumi në fjalë do të nënshkruaj marrëveshjen e shitblerjes së aksioneve në formën dhe përmbajtjen e paraparë me dokumentet e tenderit. Megjithatë,me kërkesë të konsorciumit të kompanive të shpallura ekonomikisht më të favorshme për privatizimin e PTK-së nënshkrimi i kontratës shtyhet për më së voni, datën 30 shtator 2013”, thuhet në njoftimin për media.

Aty thuhet se duke marrë parasysh kompleksitetin dhe rëndësinë e këtij transaksioni dhënia e një afati shtesë për nënshkrim të kontratës për konsorciumin e kompanive të shpallura fituese është në interesin të vendit.