Shteti me kufi ndërvëllazëror

Teksti, muzika dhe interpretimi : Demir Krasniqi

A ka n’ botë, kund, ndonjë shtet,
Që kufizohet me vëllezër t’vet ?!
Në rruzullin e botës mbarë ,
I vetmi është shteti shqiptar ,
Që ka emrin Shqipëri –
Kufizohet me vëllazëri !

Fli e qetë , Nëna Shqipëri –
S’ ke nevojë me ruajt kufi !
S’ ke nevojë ta kesh ushtrinë ,
Se n’ kufi i ke vëllazërinë ,
Që të ruajnë vërtetë si Nënë –
Prej sulmuesve nga çdo anë !

Në veri – atje n’ Malësi ,
Ke kufijtë me Mal të Zi ;
Plavë , Guci edhe Tivar –
Ke n’ kufi vëllezërit shqiptarë !
Vriten , priten për Shqipërinë –
Sikur Osoja në Vraninë !

N’ verilindje t’ Shqipëri – lokes ,
Janë shqiptarët e Kosovës ,
Me qëndresë të fortë si gur ,
Vriten , priten , për flamur !
Gjithmonë n’ tyta të Serbisë –
Duke i mbrojt kufijtë Shqipërisë !

Në kufi – n’ trojet e lindjes ,
Ke shqiptarët e Iliridës !
Shumë herë rrjedha iu ndal Vardarit –
N’ gjak n’ krerë të shqiptarit !
Kujtojmë trimat dhe Sulltanën ,
Që s’ lanë këmbë t’ ua shkeli Nënën !

Atje n’ jug të Shqipërisë –
Janë shqiptarët e Çamërisë ,
Që i rrinë përballë Greqisë ,
Ia ruajnë nderin Shqipërisë !
U robëruan , u asimiluan –
Dinjitetin s’e harruan !

N’ perëndim – uji valon ,
Adriatiku e Deti Jon !
Atje n’ brigje të Italisë –
Janë shqiptarët e Kalabrisë ,
Që i shkëputi historia ,
Sytë i kanë kah Nënë – Shqipëria !

Gjilan, më 16.04.2006 . Demir KRASNIQI