Shtetet shqiptare po përballen me agjenda sfiduese

Diplomati shqiptar Lisen Bashkurti ka thënë se të dy shtetet shqiptare janë duke u përballur me agjenda sfiduese.

Ai ka thënë se Shqipëria ndodhet përballë sfidave të demokracisë dhe integrimit, kurse Kosova përballë shtetformimit, funksionalizimit të sovranitetit, integritetit, territorialitetit, normalizimit të marrëdhënieve me fqinjët dhe integrimit në strukturat euroatlantike.

Në këtë intervistë për gazetën “Epoka e re”, Bashkurti ka thënë se miratimi i reformës në drejtësi është procesi më i rëndësishëm përgjatë tranzicionit demokratik të Shqipërisë.

Ai ka thënë se mbetet i mendimit se marrëveshja për asociacionin e komunave serbe dhe ajo për demarkacionin me Malin e Zi nuk duhen miratuar në variantet aktuale.