Shtetet e Quintit kundër zgjedhjeve pa reformë

Vendet e Quintit mbajnë qëndrimin se zgjedhjet nacionale nuk duhet të organizohen sipas legjislacionit në fuqi.

Madje, kanë alarmuar se rezultati i zgjedhjeve mund edhe të mos njihet nga ndërkombëtarët nëse do të ketë zgjedhje të jashtëzakonshme pa përmbylljen e reformës.

Na ka dalë edhe kërkesa që reforma të finalizohet gjatë shkurtit.

Sipas një burimi diplomatik të Kohës Ditore, qëndrimi i mëhershëm i shprehur prej përfaqësuesve të këtyre vendeve më me ndikim, i është rikujtuar lidershipit kosovar edhe tani.

Është bërë kjo vetëm një ditë pasi kryeministri Hashim Thaçi dhe kryetarë të partive opozitare, Isa Mustafa i LDK-së dhe Ramush Haradinaj i AAK-së, nxorën në skenë edhe skenarin e zgjedhjeve pa reformë, duke përmendur qershorin si muaj kur mund të organizohet votimi.