Viti – Është arrestuar e dyshuara femër shqiptare shtetase e Shqipërisë, e cila ka sulmuar fizikisht viktimën femër shqiptare. Viktima ka pranuar tretman mjekësor. Me vendim të prokurorit pas intervistimit e dyshuara është liruar në procedurë të rregullt.
Sipas policisë e dyshuara nga Shqipëria ka hyrë në një shtëpi në fshatin Verban të Vitisë ku pas një fjalosje ka dashur ta kap për fyti, mirëpo viktima ia ka dal të largohet dhe të kërkojë ndihmë nga familjarët.
E dyshuara ka tentuar të ikë por është ndaluar nga disa banorë të lagjes rreth 300 metra larg shtëpisë. Patrulla policore nga Vitia ka dal në vendin e ngjarjes dhe e ka shoqëruar të dyshuarën në stacion dhe e njëjta fillimisht ka deklaruar emër tjetër ngase nuk ka pasur asnjë dokument identifikimi dhe në fshat ka qenë me një shoqe tjetër duke kërkuar5 lëmoshë. Të dyshuarës më vonë i është gjetur pasaporta dhe i është konfiskuar dhe është urdhëruar që nesër të paraqitet në stacionin policor në Viti njoftoj Ismet Hashani./rajonipress/
