Shtetasi i Kosovës dhe ai i Shqipërisë, akuzohen për 55 thyerje banesash

Plaçka – më shumë se 500.000 franga – ishte në para, orë dhe bizhuteri. Dëmi i shkaktuar: rreth 130.000 franga

Prokurori publik dhe policia kantonale e Kantonit të Ticinos kanë njoftuar se kanë përfunduar hetimet lidhur me një seri vjedhjesh në apartamente në Ticino (veçanërisht në zonën e Luganos) dhe në kantone të tjera, shkruan polizeinews.ch.

Si rezultat, dy persona kanë përfunduar në pranga: një shtetas shqiptar 41-vjeçar, i cili jeton në Shqipëri dhe një shtetas kosovar 35-vjeçar me qëndrim në Zvicër, në zonën e Lugano, transmeton albinfo.ch.

Sipas rikonstruktimit të ngjarjes, të dy kanë bërë të paktën 55 vjedhje (disa të kryera dhe disa në tentim) ndërmjet tetorit të vitit 2019 dhe janarit 2020 me role dhe përgjegjësi të ndryshme.

Plaçka – e cila vlerësohet të jetë mbi 500.000 franga – ishte në para, orë dhe bizhuteri, përcjell albinfo.ch. Dëmi i shkaktuar ka qenë gjithashtu i konsiderueshëm: rreth 130.000 franga.

Veprat penale kryesore që u ngarkohen dy personave në fjalë janë: vjedhje serioze, shkaktim dëmesh të përsëritura dhe vjedhje të përsëritura të banesave.

Shtetasi i Kosovës dhe ai i Shqipërisë, akuzohen për 55 thyerje banesash

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).