Shtëpia e policit Gashi ishte sulmuar para vrasjes

Po bëhen 10 ditë që nga vrasja e policit hetues Shemsi Gashi. E pamja në familjen e tij në Matiqan të Prishtinës është mbyllur, ndërkaq familjarët e të ndjerit nuk pranojnë të flasin për atë se çfarë ka ngjarë.

I ndjeri ka lënë pas vetes bashkëshorten, e cila nuk pranon të flasë. Kjo jeton në shtëpinë e burrit, në të njëjtën shtëpi e cila është sulmuar me armë më shumë se dy javë para vrasjes së policit, më 25 mars.

Sulmi nuk është lajmëruar në Polici, por tashmë krahas hetimeve për vrasjen e policit po bëhen edhe hetime për sulmin e mëhershëm që nuk është lajmëruar, si dhe hetime për disa vepra të tjera penale që dyshohen se i kanë kryer shtytësit e vrasjes së Shemsi Gashit.

Polici Gashi është vrarë mëngjesin e të mërkurës së javës së kaluar teksa, i uniformuar po shkonte në punë./zeri/