Shtatori

Poezi nga Ramadan Mehmeti

Oborreve të shkollave
U kthej gjallërinë,
Nga zëra të fëmijëve
Ato gumëzhijnë.

Shoqërohem me libra,
Me lapsa e fletore,
Të gjitha dituritë
I shpalos prore.

Kur zgjidhen problemet,
Kryhen detyrat,
Me kënaqësi mbushemi,
Na qeshin fytyrat.

Dhe punët në fushë
Pa përtesë kryhen,
Njëri me tjetrin
Në garë tok shtyhen.

Lejlekët e dallëndyshet
I përcjell në vende të nxehta,
Fillon të ftohet moti
Ndryshe të frymojë jeta.