Shtatëdhjetë vjeçarët sërish në bangat e shkollës

Gjilan – Ish nxënësit e shkollës së mesme ekonomike – gjenerata e viti shkollor 1968/69 të drejtimit të Kontabilitetit mbajtën takimin e 50-vjetorit (gjysmë shekulli) të maturës. “Orën improvizuese” e mbajti profesori i gjuhës dhe letërsisë shqipe, z.Muzafer Gjinolli, dhe më pas, në emër të Këshillit Organizativ, udhëheqësi i takimit, Nexhmedin Ymeri,

Pas një përshëndetjeje mirëseardhjeje në këtë takim, të pranishmit i ftoi që me një minutë heshtje të përkujtojnë dhjetë nxënësit, profesorët dhe kujdestarët e klasëve që nuk janë më në jetë, kurse në takim, pos nxënësve, morën pjesë dhe evokuan kujtime edhe drejtori (atëherë) i kësaj Shkolle z.Sabit Jakupi dhe profesor Rifat Ahmeti, me ç’rast, edhe në drekën e përbashkët, folën fjalë miradije për këtë gjeneratë “të artë”!

Pas një dite të paharruar, të pranishmit disa nga të cilët kishin kaluar mijëra kilometra për t’ u ç’mall me shokët që nuk i kanë parë 50 vite. Mosha e ka bërë të veten, prandaj disa nuk u njohën, por, pasi u prezantuan përqafimet dhe lotët nuk munguan!

Poashtu ata shprehën dëshirën që të takohen për çdo vit, në këtë kohë, propozim ky, që u miratua njëzëri! Në fund të këtij takimi iu dhurua të gjithëve nga një ekzemplarë librash autorë të të cilëve ishin profesorë Fejzulla Fejzullahu ( tani i ndjerë) dhe Nebi Bunjaku ish nxënës, tani krijues i njohur letrar./islam osmani/rajonipress/