Shtatë vjetët e reprezentuesit kosovar në kampin e Berlinit

Fanol Perdedaj ishte njëvjeçar kur dy prindërit e tij kishin marrë atë dhe gjashtë fëmijët e tjerë për të ndjekur rrugën për një jetë më të mirë. Destinacioni ishte Gjermania.

Migrimi në Gjermani ishte bërë i detyrueshëm për familjen Perdedaj, në një kohë kur asgjë nuk ishte e sigurt. Ishin fillimvitet ’90.

Por fillimi për Perdedajn dhe familjen e tij në Gjermani ishte i vështirë, shumë më i vështirë se që kishin pritur prindërit e tij. Kur e thotë këtë, Perdedaj jap edhe një shembull, shkruan sot “Koha Ditore”.

“Shtatë vjet kemi jetuar në një kamp të qytetit të Berlinit”, nis rrëfimin futbollisti i Përfaqësueses së Kosovës. “Si familje i kemi pasur kushtet e dobëta, nuk kemi pasur të ardhura të mira. Nuk kemi pasur as banesë. Baci (babai v.j.) është dashur të organizonte jetesën tonë. Ne shkonim në shkollë gjermane. Pritja nuk ka qenë edhe aq e mirë. Jemi shtatë fëmijë dhe dy prindërit nëntë, dhe të gjithë kemi banuar në një kamp të Berlinit. Kemi jetuar shtatë vjet në kamp”.

Tash kur sheh pamje të tilla të kampeve në TV, ai i kupton mirë emigrantët.

Dhe, pikërisht në kamp thotë se nisi të luajë futboll. Ishte pesë vjeç kur nisi të vraponte pas topit në oborrin e kampit.

http://koha.net/?id=6&l=78870