Shtatë vjet pavarësi, dëshmorët nuk prehen të qetë

Familjet e heronjve i bëjnë thirrje qytetarëve që të mos braktisin Kosovën. Një apel për besim se vendi do të ndryshojë dhe ideali i dëshmorëve për Kosovën shtet i zhvilluar dhe integruar në botën perëndimore do të jetë realitet, në shtatë vjetorin e pavarësisë ka adresuar familja e heroit Agim Ramadani.

Agimi në foto, i përjetësuar dëshmor në historinë e re të Kosovës, dhe Agimi i ri (nipi) që ka filluar të ecën dhe të belbëzoj, dëshmojnë dy breza, i pari që u përkushtua të qëndroj dhe të jap jetën për Kosovën që i dyti ta gëzojë atë.

Por, ideali i Agimit – Kosova e zhvilluar, e përparuar e pranuar në bashkësinë evropiane me të drejtën e vendimmarrjes së plotë, me një ushtri mbrojtëse dhe të përgatitur, e pranuar nga të gjitha shtetet, si dhe me infrastrukturë, arsim dhe shëndetësi të zhvilluar, e denjë për fëmijët, të rinjtë e të moshuarit, nuk po realizohet./zeri/