Shtatë aktakuza të ngritura, sërish në fokus vjedhjet dhe dhuna në familje

Gjilan – Prokuroria Themelore në Gjilan, me urdhër të prokurorit ka ndaluar katër (4) persona, në kohëzgjatje prej 48 orëve, në dy raste të ndara, ka paraqitur një (1) kërkesë për caktimin e masës së paraburgimit kundër një (1) personi dhe ka ngritur shtatë (7) aktakuza kundër dhjetë (10) personave.

Prokuroria Themelore Gjilan Ndalimet e personave me urdhër të prokurorit: Prokuroria Themelore në Gjilan, me urdhër të prokurorit ka ndaluar katër (4) persona, në kohëzgjatje prej 48 orëve, në dy raste të ndara.

Një (1) person është ndaluar për veprën penale “Lëndimi i lehtë trupor” dhe tre (3) persona janë ndaluar për veprën penale “Privimi i kundërligjshëm i lirisë”.

Kërkesat për caktimin e paraburgimit (apo masa tjera): Prokuroria Themelore në Gjilan, ka paraqitur një (1) kërkesë për caktimin e masës së paraburgimit kundër një (1) personi, për shkak të dyshimit të bazuar se ka kryer veprën penale “Keqpërdorimi i fëmijëve në pornografi”.

Aktakuzat: Prokuroria Themelore në Gjilan, ka ngritur shtatë (7) aktakuza kundër dhjetë (10) personave, për këto vepra penale:

Katër (4) aktakuza kundër katër (4) personave për veprën penale “Vjedhja e shërbimeve”, Një (1) aktakuzë kundër katër (4) personave për veprat penale “Lëndimi i lehtë trupor” dhe “Sulmi”, Një (1) aktakuzë kundër një (1) personi për veprën penale “Lëndimi i lehtë trupor”, Një (1) aktakuzë kundër një (1) personi për veprën penale “Dhuna në familje”./rajonipress/