Shqyrtimi i ankesave për tenderë, në nivelin dyshkallësh

Operatorët ekonomikë do t’i kenë dy mundësi për t’u ankuar për padrejtësitë që u bëhen në marrjen e tenderëve të ndryshëm. Kjo do të mundësohet me ndryshimet e Ligjit të prokurimit, i cili ndër të tjera do të mundësojë që shqyrtimi i ankesave të bëhet në nivel dyshkallësh.

Në shkallën e parë operatorët ekonomikë do të ankohen tek Autoriteti Kontraktues, i cili do të obligohet të japë një përgjigje për secilin pretendim të operatorëve. Kurse, shkalla e dytë do të jetë Organi Shqyrtues i Prokurimit që do të japë fjalën e fundit për secilin tender, shkruan sot “Koha Ditore”.

Edhe në të kaluarën, operatorët ekonomikë janë ankuar nëpër autoritete kontraktuese për shkeljet ligjore, sidomos për përgatitjen e dosjes së tenderit dhe pretendimet për kufizim të konkurrencës. Por, tashmë ankesa do të marrë rrugë ligjore dhe do të jetë përgjegjësi e zyrtarit kryesor të Autoritetit Kontraktues të caktojë komision për shqyrtimin e ankesave.

Kjo është njëra nga nenet që do të përfshihen në ndryshimin e Ligjit të prokurimit publik.

http://koha.net/?id=27&l=68044