Shqiptaro-zvicerani kontrabandon familjen kosovare

Ngasësi i makinës së zënë me tre shtetas kosovarë në kufirin Austri-Gjermani, ishte shtetas zviceran me prejardhje kosovare.

Policia Federale e Gjermanisë ka ndaluar në natën e të martës në autostradën A8 një zviceran, i cili kishte kaluar një familje kosovare për në territorin e Gjermanisë. Autoritetet supozojnë se fjala është për kontrabandim klasik, të bërë për para.

Policët e kanë ndaluar makinën me regjistrim zviceran në afërsi të Freilassingenit ku kanë gjetur tre të rritur dhe një fëmijë të vogël. Ngasës i makinës ka qenë shtetasi zviceran me prejardhje kosovare. Tre personat që i kshte me vete, të moshave 31, 24 dhe 2 vjeçare nuk posedonin dokumente të rregullta.

Policët federalë ndërkohë u njoftuan se kosovarët e ndaluar, kishin fituar më parë azilin në Hungari. Por, ata kanë deklaruar se kushtet si azilantë në Hungari i kishin aq të këqija sa që nuk kishin rrugëdalje tjetër përveç se të gjenin dikë që do t`i çonte në Gjermani. Ai u kishte kërkuar 2000 euro për të tre.

Pas përfundimit të masave policore familja është dërguar në qendrën e pranimit të azilkërkuesve në Munih. Ndërsa shoferi do te përgjigjet për trafikimin e qenieve njerëzore.(albinfo)