Shqiptarit, burg të përjetshëm, e privoi nga jeta një 19-vjeçar

Një familjar i 19-vjeçarit kishte privuar nga jeta më parë një familjar të 47-vjeçarit. Ka qenë pikërisht frika nga hakmarrja që kishte shtyrë të riun të shkonte në Gjermani, ku e ka gjetur vdekjen.

Në “njërin ndër proceset më të ndërlikuara të viteve të fundit”, sot në Gjykatën e Landit në Ulm i është shqiptuar vendimi gjyqësor: burg i përjetshëm, një shtetasi shqiptar të moshës 47-vjeçare. Trupi gjykues ka konstatuar fajësinë e tij në lidhje me vrasjen e një shqiptari tjetër të moshës 19-vjeçare, të kryer para dy vjetësh në një liqen në Erbach (Qarku Alb-Donau), shkruan sot faz.de dhe shumica e medieve gjermane, të cilat i japin jehonë të madhe këtij gjykimi.

Kjo vrasje është kryer me motiv të hakmarrjes, ka konstatuar gjykata, transmeton albinfo.ch. Një familjar i 19-vjeçarit kishte vrarë më parë një familjar të 47-vjeçarit. Ka qenë pikërisht frika nga hakmarrja që kishte shtyrë të riun të shkonte në Gjermani.

Rasti i vrasjes së rëndë qe bërë veçanërisht i njohur për mënyrën në të cilën është kryer: djali 19-vjeçar, sipas aktakuzës, në prill të vitit 2017 qe joshur drejt liqenit Röslesee afër Erbach-ut për të bërë gjioja një pazar droge. Kur kishte shkruar atje, personi tashmë i dënuar e kishte goditur disa herë me çekiç në pjesën e prapme të kokës, duke i shkaktuar kështu vdekjen, përcjell albinfo.ch. Pastaj ai e kishte paketuar kufomën me një folie dhe ia kishte lidhur një copë betoni për t`u fundosur më lehtë.

Kufoma kishte dalë mbi sipërfaqen e ujit rreth dy muaj më pas, kur e kishte gjetur rastësisht një peshkatar.

“I akuzuari ka vepruar tradhtisht dhe i shtyrë nga motive të ulëta”, ka thënë gjyqtari në arsyetimin e vendimit gjyqësor. Duke vendosur për burg të përjetshëm, gjykata ka ndjekur kërkesën e prokurorisë. Nga ana tjetër, avokati i të akuzuarit kishte kërkuar 4 vjet e gjysmë heqje lirie për klientin e vet, duke thënë se ai ka kryer vetëm shërbime ndihmëse për vrasësin e vërtetë me emrin “Don”, i cili është arratisur.

https://www.albinfo.ch/shqiptari-denohet-me-burg-te-perjetshem-per-vrasjen-nga-hakmarrja/