Shqiptari rrahu për vdekje sirianin, Prokuroria kërkon mbi 5 vjet burg

22 vjeçari shqiptar rrahu për vdekje bashkëmoshatarin e tij sirian, në një diskotekë gjermane.

Mbi gjashtë muaj më parë ndodhi një përleshje brutale me grushta në “Black Lounge” të diskotekës “Joy” në Henstedt-Ulzburg. Një shqiptar (22) e goditi disa herë me grushta sirianin (22), i cili pasi mori lëndime të forta në tru, pas disa ditësh vdiq, duke mos mundur t’u mbijetojë plagëve, shkruan kn-online.de.

Prokuroria e ka hetuar veprën penale për vdekje dhe ka kërkuar pesë vjet e katër muaj burg për shqiptarin, ndërsa avokati ka kërkuar një dënim jo më të rëndë sesa dy vjet, për shkak se shqiptari ishte në vetëmbrojtje.

“I padituri nuk deshte të vrasë viktimën,” përcjell albinfo.ch, deklaratën e avokatit. 22 vjeçari shqiptar në fillim të seancës kërkoi falje. Vendimi përfundimtar i Gjykatës në Kiel do vendoset në 2 maj.

http://www.albinfo.ch/shqiptari-rrahu-per-vdekje-sirianin-prokuroria-kerkon-mbi-5-vjet-burg/