Shqiptari nga Vërbica në Gjysmë Maratonën e Danimarkës “Evropa Master”

Gjilan – Në të shumtën e rasteve sporti nuk njeh kufi të moshës, e veçanërisht sporti i atletikës është i pakufizuar. Këtë kënaqësi është duke e përjetuar edhe 64 vjeqari nga Vërbica e Zhegocit, i cili jeton në Gjermani i cili me mjaft sukses në çdo Maraton evropiane është i pranishëm.

Edhe pse në moshë të shtyer Abibi mori pjesë në Gjysmë maratonën e atletikës në Arhus të Danimarkës.

Në Mitingun e atletikës “Evropa Master” morën pjesë 43 shtete ndërsa numri i atletëve ishte 3200 nga mbare Evropa.

Atleti nga Vërbica e Zhegocit, Abib, mori pjesë në Gjysmë maratonë në 21km, duke u renditur në pozitën e 33 me kohë 1 orë 42 minuta e 15 sekonda, nga 500 atlet të cilët morën pjesë në gjysmë maratonë.
“Ka qenë një kënaqësi e vërtet të jesh pjesë ë këtij manifestimi të atletikës, jam shumë i kënaqur si me vrapimin njëashtu edhe me kohën të cilën e arrita, kam mundur edhe më mirë por kam qenë pak i lënduar por me rëndësi është pjesëmarrja dhe të jesh në mesin e atyre atletëve shembullor dhe human”, ka bërë të ditur Abibi.

Siç ka bërë të ditur atleti 64 vjeqar shum shpejt do të jetë në Kosovë dhe ka mundësi të vrapon në një shteg prej 21 km./sylejman ismajli/rajonipress/