Shqiptari nga Kosova vret shtetasin e Maqedonisë: Ishte vetëmbrojtje?

Kosovari është sulmuar me thika nga një grup prej rreth dhjetë personash dhe, në vetëmbrojtje, ka qëlluar me pistoletë në drejtim të një 25 vjeçari, i cili pastaj ka vdekur nga plagët e marra. I vrari është nga Maqedonia.

Natën e të mërkurës në qytetin e Hanoverit është vrarë një person. Të nesërmen është dorëzuar në polici personi që pranon se e ka bërë vrasjen. Bëhet fjalë për një shqiptar nga Kosova, 26 vjeçar.

Sipas asaj që shkruan gazeta “Bild” dhe televizioni sat1, kosovari është sulmuar me thika nga një grup prej rreth dhjetë personash dhe, në vetëmbrojtje, ka qëlluar me pistoletë në drejtim të një 25 vjeçari, i cili pastaj ka vdekur nga plagët e marra, transmeton albinfo.ch. I vrari është nga Maqedonia.

Sipas mediave gjermane bëhet fjalë për një qërim hesapesh në një ambient prostitucioni. I dyshuari për vrasje ndodhet në burg ndërsa Prokuroria Publike e Hanoverit, në kërkim të pjesëmarrësve të tjerë, ka shpallur kërkimin për një person me makinën mercedes AMG me regjistrim të Bremenit.

http://www.albinfo.ch/shqiptari-nga-kosova-vret-shtetasin-e-maqedonise-ishte-vetembrojtje