Shqiptari Kasim Kurtulas vjen nga Turqia për të investuar në Kamenicë

Kamenicë – Begzad Sinani ka pritur të hënën shqiptarin nga Feriqeva i i cili jeton tash e 80 vite në Bursa të Turqisë. Kasim Kurtulas është interesuar të investojë në kultivimin e gështenjës.

Edhe pse ka mbi 80 vite që familja e tij jeton në Bursa të Turqisë kjo nuk e ka penguar Kasim Kurtulasin nga Feriqeva e Kamenicës që të kthehet sërish në rrënjët e të parëve të tij.

Kasim Kurtulas është pritur të hënën në një takim nga Begzad Sinani ku ka shprehur gatishmërinë që të investojë në kultivimin e gështenjës edhe në Komunën e Kamenicës.

Sinani e ka pritur interesimin e bashkëvendësit të tij dhe ka ofruar të gjitha mundësit dhe kapacitet që interesimi i tij të realizohet sa më shpejt që është e mundur. “Unë kam thënë edhe më herët se do të bëjmë çmos që investitorët të joshen dhe tu ofrohet siguri maksimale për të bërë biznes. Edhe ky interesim që vije nga një bashkëvendës yni është shumë domethënës për qytetin e Kamenicës” tha Sinani./rajonipress/