Shqiptari e tërheq zvarrë me kamion italianin, shkaku i mbeturinave

Një person 28 vjeç, emri i të cilit nuk është bërë i ditur, u arrestua për tentativë vrasjeje në Itali. Djaloshi 28-vjeçar me origjinë shqiptare, mbrëmjen e së shtunës ka marrë kamionin e tij dhe ka tërhequr zvarrë një djalosh i cili i kishte treguar shqiptarit që të mos shkarkonte në mënyrë të paligjshme mbeturinat në rrugë.

Pronari i një ofiçine aty pranë dhe djali i tij të cilët vunë re se shoferi i furgonit po shkarkonte mbeturinat në zonën e Bolzanetos, i thanë që duhet të ndalonte.

Menjëherë 28-vjeçari gjaknxehtë, i dha një grusht pronarit të ofiçinës dhe më pas mori djaloshin dhe filloi ta zvarriste në rrugë për 10 metra me radhë. Kanë qenë kalimtarët e rastit ata që kanë lajmëruar policinë.