Shqiptarët kualifikojnë Zvicrën

Admir Mehmedi e Pajtim Kasami shënuan gola në fitoren e Zvicrës ndaj San Marinos me rezultat të thellë 7:0. Ky triumf i ndihmoi skuadrës helvetike që ta sigurojë kualifikimin për në Euro 2016, nga pozita e dytë në Grupin E.

Selektori Vladimir Petkovic i pushoi dy prej futbollistëve kryesorë, Granit Xhaka e Xherdan Shaqiri, por Mehmedi e Kasami luajtën nga minuta e parë.

Ata e shpaguan besimin pasi të dy shënuan gola. Michael Lang e hapi serinë e golave para se Gokhan Inler të realizonte nga penalltia. Mehmedi shënoi golin e tretë, kurse Johan Djourou realizoi nga një tjetër penallti për vendasit. Kasami iu bashkua listës së golashënuesve, kurse penalltinë e tretë në gol e shndërroi Breel Embolo.

Rezultatin final e vendosi Eren Derdiyok me golin e tij në minutat e fundit. Nw ndeshjet tjera, fituesi i grupit Anglia mposhti Estoninw 2:0 me golat nga Theo Walcott dhe Raheem Sterling.

Kurse, Sllovenia u ndal nw barazim 1:1 nga Lituania, por vazhdon të jetë e treta. Në Grupin C, Spanja shënoi fitore të rëndësishme duke mposhtur Luksemburgun me rezultat 4:0. Santi Cazorla dhe Francisco Alcacer realizuan nga dy gola secili.

Grupi C

Maqedoni – Ukrainë 0:2

Sllovaki – Bjellorusi 0:1

Spanjë – Luksembur 4:0

Grupi E

Angli – Estoni 2:0

Slloveni – Lituani 1:1

Zvicër – San Marino 7:0

Grupi G

Lihtenshtajn – Suedi 0:2

Moldavi – Rusi 1:2

Mali i Zi – Austri 2:3