Shqiptarët ia sigurojnë fitoren Zvicrës

Granit Xhaka dhe Xherdan Shaqiri shkëlqyen në fitoren e re të Zvicrës ndaj Estonisë me rezultat 3 me 0.

Shaqiri luajti rol vendimtar sonte pasi asistoi në tre golat që realizuan e përfaqësueses së tij që tani ngjitet në pozitën e tretë të grupit E për eliminatoret EURO 2016.

Zvicra kaloi në epërsi në minutën e 17 kur realizoi me kokë mbrojtësi Schar. Shaqiri harkoi nga ana e djathtë për ta gjetur të lirë mbrojtësin që realizoi një gol të bukur me kokë.

Dhjetë minuta më vonë realizoi mesfushori shqiptar Granit Xhaka. Ishte përsëri Shaqa që gjeti të lirë Xhakën i cili me një goditje nga distanca realizoi për 2 me 0.

Në fund të pjesës së dytë ishte përsëri Shaqiri që asistoi për Halil Seferoviqin që realizoi nga afërsia në minutën e 80.