Shqiptarët e ndërrojnë furçën e dhëmbëve 1 herë në 3 vjet

Shqiptarët janë të fundit në Evropë sa i përket kujdesit për dhëmbët. Kështu thuhet në një studim të realizuar nga Euromonitor International, publikuar nga Panorama.

Në studim thuhet se edhe pse furça e dhëmbëve duhet ndryshuar njëherë në tre muaj, ka shqiptarë që e ndryshojnë njëherë në tre vjet.

Shqiptarët shpenzojnë vetëm 1.5 euro në vit për kujdesin oral, kurse në Perëndim kjo shifër shkon deri në 14.9 euro.

Madje edhe në Kosovë janë përpara, pasi shpenzojnë 1.9 euro.

Në Shqipëri konsumohet 75 ml/vit pastë dhëmbësh, që i korrespondon një paste dhëmbësh në vit. Në Kosovë konsumojnë 100 ml/vit, kurse në vende si Italia konsumohet deri në 417 ml/vit.

Dentistët thonë se problem është se 60 për qind e shqiptarëve kanë dhëmbë të prishur në gojë, por i drejtohen mjekut vetëm kur janë në gradë të fundit.

Shqiptarët kanë tre herë më shumë dhëmbë të prishur se në BE. Kështu, në Shqipëri një person ka 4 dhëmbë të prishur mesatarisht, kurse në BE 1.2 dhëmbë.

Vetëm 7 për qind e fëmijëve bëjnë kontroll të rregullt dentar, ndërkohë që mbi gjysma e tyre konsumojnë shumë ëmbëlsira, armiku kryesor i dhëmbëve. /tema/