Shqiptarët e Luginës duhet të marrin pjesë edhe në zgjedhjet parlamentare

Edhe pse zyrtarisht ende nuk janë shpallur zgjedhjet në Serbi, tashmë fushatën bë mënyra të ndryshme e kanë filluar edhe subjektet politike shqiptare që veprojnë ën Luginën e Preshevës.

Ndërkohë, për apo kundër pjesëmarrjes në zgjedhje janë shprehur përfaqësuesit e shoqërisë civile.

Sipas Belgzim Kamberit, përfaqësues i Këshillit të Drejtave të Njeriut, përfaqësimi i shqiptarëve në parlamentin e Serbisë, deri tash nuk ka dhënë rezultate pozitive në përmirësimin e të drejtave më elementare.

Skender Saqipi, Drejtor në portalin informativ Titulli, mendon se zëri i shqiptarëve duhet të dëgjohet edhe në Parlamentin e Serbisë.

Ndërkaq, Gazmend Arifi, nga Qendra Europiane e Luginës, mendon se shqiptarët në Luginë duhet bojkotojnë zgjedhjet në Serbi.

Partitë politike shqiptare në Luginë, ndër vite kanë marrë pjesë në zgjedhje lokale, ndërkohë ato parlamentare subjekte të caktuara disa herë i kanë bojkotuar./Titulli.com/