Shqiptarët besojnë në kualifikim

Kanë shënuar një fitore tejet të vlefshme në ndeshjen ndaj Ekuadorit, dhe kanë pësuar një humbje turpëruse nga Franca, por ende kanë gjasa për kualifikim. Përfaqësuesja e Zvicrës, do të përballet me Hondurasin në ndeshjen e fundit ku do t’i mjaftonte çfarëdo barazimi për të kaluar tutje nga grupi.

Dy mesfushorët shqiptarë, Granit Xhaka dhe Blerim Xhemaili, në një konferencë për media në Brazil kanë folur para sfidës finale të Zvicrës ndaj Hondurasit.Mesfushorët Xhaka e Xhemaili u kanë bërë thirrje bashkëlojtarëve të tyre te Zvicra të luajnë si ekip në sfidën e fundit ndaj Hondurasit.Graniti theksoi se ai dhe bashkëlojtarët e tij duhet të luajnë për njëri-tjetrin në mënyrë që të sigurojnë fitoren ndaj Hondurasit dhe në këtë mënyrë të kualifikohen tutje.

“Ne duhet të vrapojmë për njëri-tjetrin, të luftojmë për njëri-tjetrin dhe të luajmë si skuadër përsëri. Ne i dimë cilësitë tona, vetëm duhet t’i tregojmë ato”, u shpreh mesfushori i skuadrës gjermane Borussia Moenchegladbah. Në anën tjetër, Xhemaili theksoi se Ottmar Hitzfeld duhet të largohet nga drejtimi i Zvicrës në mënyrën më të mirë të mundshme…(Tribuna – Arena).