Shqiprim Arifi nesër vjen në Prishtinë, denoncon një aferë korruptive në Prokurorinë Speciale

Kryetari i Komunës së Preshevës, Shqiprim Arifi do të dorëzojë nesër kallëzim penal kundër Këshillit Kombëtar Shqiptar në Prokurorinë Speciale të Kosovës.

Arifi ka thënë se kallëzimi penal ndërlidhet me dyshimet për zhvatjen e mjeteve të taksapaguesve të Kosovës përmes një fondi të Qeverisë së Kosovës për Luginën.

Kallëzimi penal do të dorëzohet të martën në orën 14:00.

Siç ka raportuar Paparaci para rreth dy muajsh, dy njerëz të afërt me Ardita Sinanin, ish-kryetaren e Komunës së Preshevës dhe këshilltares së kryeministrit Albin Kurti, kanë përfituar direkt nga fondi i Qeverisë së Kosovës për Luginën.

Njoftimi i plotë i Shqiprim Arifit:

Të martën në ora 14:00, në cilësinë e kryetarit të Komunës së Preshevës, bëj dorëzimin e Kallëzimit Penal në Prokurorinë Speciale në Prishtinë, për keqpërdorimin e mjeteve të Qeverisë së R. Kosovës nga ana e Këshillit Kombëtar Shqiptarë.

Ju ftoj në press-konferencë para ndërtesës së Prokurorisë, ku do të merrni vesh më shumë rreth Kallëzimit Penal, që po dorëzojmë, në lidhje me zhvatjen e mjeteve të taksapaguesve kosovarë përmes konkursit të Këshillit Kombëtar Shqiptarë në Luginën e Preshevës dhe implikimit të Qeverisë së Kosovës.

Faleminderit për mirëkuptim!

Me respekt

Shqiprim Arifi

Kryetar i Komunës së Preshevës