“Shqiponjat” shkëlqyen në Medvegjë

Në prani të qindra qytetarëve të Medvegjës të të gjitha etnive, të përfaqësuesve komunalë e partiakë, në platon e Shtëpisë së Kulturës, u mbajt koncerti për të rinj, i titulluar “Në ritëm të Evropës”.

Në mesin e shumë shoqërive kulturo-artistike që i përfaqësuan komunitetet e ndryshme etnike, shqiptarët u përfaqësuan nga Shoqëria Kulturore-Artistike “Shqiponjat e Medvegjës”, bëri të ditur për medvegja.net z.Selman Rexhepi, drejtor i kësaj shoqërie.

Performansa e “Shqiponjave” ishte e mrekullueshme, sa e mahniti jurinë profesionale. Me këtë rast, kjo shoqëri u dekorua me çmimin e parë të këtij koncerti dhe do ta përfaqësojnë Medvegjën në finalen që do mbahet me 5 korrik të këtij viti në Shabac të Serbisë. /medvegja.net/