Shqipëria – Poezi promemoriale

Jam fije bari e bimur n´këto troje, Jam gjuha shqipe e dheut amtar, në zemër kam të dashurën Kosovë, nëshpirt e kam të lashtën Çamëri.

Plagë kam në trup për tokat e mia
për gërshetin me flori të Shkupit
për artin që mundëson bashkimin
dhe për kufijtë tanë të pabashkuar

Trojeve ku jetojnë sot shqiptarët
ka trazira, revolta, dhe të burgosur
Shqipërisë do t´ia shtojmë fuqinë
me dijet më të përparuara të kohës

Çamëri – Shqipëria ime e pushtuar
mungesën tënde e ndiej në shpirt
fjala shqipe tek t´i është burgosur
gjuha në luftë, do të sjellë fitoren

Me bekimin e të gjithë shqiptarëve
me bekimin e Iliridës dhe t´Ulqinit
Të mbrojmë Çamëri! Të mbrojmë!
Bekimin e kemi edhe nga flamuri!..

Rrustem Geci – Dortmund, Nëntor, 2015