Shqipëria fiton pikë, por s’ndryshon pozitë në ranglistën e FIFA-s

Kombëtarja e Shqipërisë nuk ka ndryshuar pozitën në ranglistën botërore të FIFA-s, që i radhit të gjitha ekipet kombëtare në bazë të formës së tyre.

Edhe pas ndeshjeve të shtatorit, Shqipëria mbetet në pozitën e 64-të në këtë ranglistë, përkundër që i ka grumbulluar 1372 pikë, dhjetë më shumë sesa që i kishte në listën e kaluar, raporton Gazeta Express.

Këto pikë, kuqezinjtë i morën falë fitores kundër Islandës me rezultat 4:2 në fillim të shtatorit, në kuadër të kualifikimeve për Kampionatin Evropian 2020.

Shqipëria mund të ishte ngritur në pozitë më të lartë nëse do të kishte arritur të paktën barazim në ndeshjen kundër Francës, që përfundoi me rezultat 4:1 për kampionët e botës.

Megjithatë, për shkak se Franca radhitet shumë mirë në këtë listë, e dyta në botë, Shqipëria nuk u dëmtua shumë nga ajo disfatë dhe arriti t’i fitojë dhjetë pikë.

Shqipëria do të tentojë të synojë ngritje edhe në pozitë në listën e radhës të FIFA-s, që do të publikohet pasi kuqezinjtë t’i zhvillojnë ndeshjet kundër Turqisë dhe Moldavisë.

Për rangimin e Kosovës mund të lexoni këtu. /Gazeta Express/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).