Shqipëria do të financoj Këshillin Kombëtar Shqiptar në Luginë të Preshevës

Qeveria e Republikës së Shqipërisë, në një nga seancat e saj plenare, ka marrë vendim, për ta financuar Këshillin Kombëtar Shqiptar në Serbi.

Ky vendim është pjesë përbërëse e një platforme sistematike më të gjerë në shërbim të ruajtjes dhe zhvillimit të identitetit kombëtar të bashkëkombësve shqiptarë në Luginën e Preshevës.

Mbështetja graduale financiare për Këshillin Kombëtar Shqiptar në Serbi do të plotësohet menjëherë me një komunikim më intensiv me shqiptarët në Serbi në përgjithësi, apo Luginën e Preshevës në veçanti.

Ky lajm i mirë nga shteti amë Shqipëria, është mirëpritur nga shqiptarët e Luginës së Preshevës, të cilët ka vite që kërkojnë nga institucionet relevante shqiptare në Tiranë dhe Prishtinë, që të formohet një Fond për zhvillimin e Luginës, njofton Jetapress.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).