Shqetësuese pjesëmarrja e qytetarëve të Kamenicës në vendimmarrje

Kamenicë – Përfaqësimi i qytetarëve në vendimmarrje sipas diskutimeve është shqetësues duke përfshirë rolin e anëtarëve të kuvendit, prandaj kërkohet të rritet cilësia e debatit në Kuvend e cila është më se e domosdoshme.

Organizata Jo-qeveritare Dardanapress, në kuadër të projektit “Rritja e transparencës, ndërgjegjësimi i qytetarëve përmes qasjes aktive në proceset vendimmarrëse” si pjesë e projektit “Programi Rajonal për Demokracinë Lokale në Ballkanin Perëndimor – ReLOaD”që financohet nga Bashkimi Evropian (BE) dhe zbatohet nga Programi i Kombeve të Bashkuara për Zhvillim (UNDP), në Kosovë, ka mbajtur tryezën e parë lidhur me ngritjen dhe vetëdijesimin e qytetarëve mbi pjesëmarrjen në vendimmarrje dhe për të marrë pjesë në Seancat e Kuvendit Komunal.

Qëllimi i organizimit të tryezës ishte përfshirja e Organizatave të Shoqërisë Civile, Mediave Lokale dhe Shefave të grupeve parlamentare për të parë se cilat janë kërkesat e qytetarëve karshi adresimeve Kuvendit Komunal si dhe diskutimet se ku qëndron problemi i pjesëmarrjes së vogël të qytetarëve në vendimmarrje.

Përfaqësimi i qytetarëve në vendimmarrje sipas diskutimeve është shqetësues duke përfshirë rolin e anëtarëve të kuvendit, prandaj kërkohet të rritet cilësia e debatit në Kuvend e cila është më se e domosdoshme.

Pjesëmarrësit gjatë diskutimeve kanë shpreh mendimet e tyre lidhur me pjesëmarrjen e qytetarëve në vendimmarrje, ku janë nxjerrë edhe disa konkluzione dhe rekomandime.

Si rekomandim kryesor i dalë nga tryeza është vendosja në funksion e mekanizmave me të cilat disponon kuvendi komunal, qeverisja komunale, si dhe me një vullnet politik nga ana e partive politike, me një fushatë vetëdijësuese nga ana e shoqërisë civile do të kemi një rritje të dukshme të pjesëmarrjes së qytetarëve në vendimmarrje.

Në këtë tryezë kanë marrë pjesë:anëtarët e kuvendit komunal, qytetar, zyrtarja për barazi gjinore, grupi joformal i grave, anëtarët e Handikosit, përfaqësues të organizatave të shoqërisë civile, si dhe mediet lokale.

Projekti ReLOaD mbështet institucionet lokale (komunat) në zhvillimin e mekanizmave transparent të financimit për OSHC-të në mënyrë që të përmirësojë ofrimin e shërbimeve për qytetarët në komunitetet lokale./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).