“Shporta e Ramazanit”, ndihmon sofrat e skamnorëve të Luginës

Qendra e Solidaritetit dhe Avancimit (QSA) me seli në Preshevë, në kuadër të projektit “Shporta e Ramazanit”, gjatë ditës së sotme dhe të djeshme ka bërë shpërndarjen e pakova për 37 familje me gjendje ekonomike të rënduar në vendbanimet e komunave të Preshevës dhe Bujanocit.

Siç njofton QSA, financiarisht këtë shpërndarje e mbështeti Zijadin Mehmeti nga fshati Corroticë me banim të përkohshëm në Gjermani.

Gjatë këtij akioni dyditorë janë shpërndarë 1850 kg miell (tip 400), 74 litra vajë, 111 kg sheqer, 37 kg kryp, 74 kg oriz, 74 pako makarona (400 gr.), 111 copë sapunë rubis, 37 litra shampon breza, 37 pako detergjent nga 3 kg, 37 kg fasule dhe 37 pako hurme./Titulli.com/