Shpëtohen dy turistë britanikë te Dhërmiu
Vlorë -Dy turistë britanikë kanë shpëtuar mrekullisht nga mbytja në detin Jon falë ndihmës së rojeve bregdetare shqiptare.
BW bën të ditur se jahti i britanikëve babë e bir, ku shkruhej “Never say never’ kishte ngecur 6 milje larg ‘Rrugëve të Bardha” në zonën e Dhërmiut.
Baba e bir, turistë nga Britania vinin nga Kroacia në drejtim të Korfuzit, por pas mungesës se karburantit dallgët i kishin shtyrë jahtin drejt ujërave shqiptare.