Shpërthim zjarri në “Agmia Fruits”

Gjilan – Policia e Kosovës në Gjilan është njoftuar nga ankuesi, punëtor i sigurimit se në objektin e “Agmia Fruits”, objekt i cili gjendet në fshatin Gumnishtë e Epërme, Komuna e Gjilanit, se në aneksin e kësaj ndërmarrje ka shpërthyer një zjarr. Si pasojë e zjarrit janë dëmtuar katër (4) frigoriferë të cilët i mbajnë frutat e freskëta si dhe disa makineri tjera qe bëjnë përpunimin e frutave. Në vendin e ngjarjes me urgjencë kanë dal policia e Kosovës me njësitet relevante si dhe ekipe të zjarrfikësve dhe eksperti i zjarreve.

Nga hetimet e para mësohet se fatmirësisht askush nuk është lënduar në këtë incident. Sipas ankuesit vlera e dëmit është e konsiderueshme dhe tepër e lartë . Për momentin shkaktari i zjarrit ende nuk dihet. Është njoftuar Prokurori i shtetit lidhur me incidentin.

Në vendngjarje është intervistuar përgjegjësi i firmës si dhe punëtori i sigurimit të objektit. Lidhur me këtë rast hetimet po vazhdoj të bëhen nga hetues rajonal të Policisë së Kosovës në Gjilan njoftoj policia e Kosovës./rajonipress/