Ronela Hajati ka folur për gjendjen momentale në muzikën shqiptare duke shprehur pakënaqësitë me prurjet e reja pa kriter.
E ftuar në emisionin “Pardon My French” ajo theksoi se sot në tregun muzikor nuk ka barrierë.
Artistja tha se disa nuk e meritojnë t’i ndizet kamera pasi nuk kanë kulturë e formim artistik.
“Disa nuk e meritojnë t’i ndizet kamera para tyre. Të jesh artist duhet të kesh kulturë e formim artistik.Sado që unë mund të bëj këngë eksplicite apo balada, mund ta bësh kur njerëzit janë mësuar me ty. Njerëz që dalin nga hiçi dhe mendojnë se me para mund të të zhdukin ty, në një shtet tjetër kjo nuk do ndodhte. Unë nuk dua të gjykoj. Ske çfarë bën, të paktën të përpiqesh të ecin këngët e tua,” është shprehur Ronela.
Këngëtarja zbuloi po ashtu se në vjeshtë do të vijë me një baladë dedikuar babait të saj.
