“Shpërthen” Florent Hadërgjonaj: Nuk jam i lumtur, dua të..

Mbrojtësi i Huddersfield Townit Florent Hadërgjonaj ka shprehur synimin e tij për t’u kthyer në formacionin shartues të skuadrës angleze pasi kohëve të fundit është duke pasur minutazh të ultë..

Hadërgjonaj ka pasur minuta të paktë javëve të fundit nën urdhrat e Danny Cowley, pas transferimit të Danny Simpson, shkruan Zëri.info.

Në gjashtë javët e fundit, Huddersfield nuk ka pësuar humbje, dhe asnjë skuadër në Ligën e Dytë angleze nuk ka arkëtuar më shumë pikë se ‘Terriers’.

Si pasojë e paraqitjeve të mira të Simpson, 25-vjeçari Hadërgjonaj është lënë jashtë formacionit bazë.

Ndërkaq, frustrimin për minutazhin e ultë, Hadërgjonaj e ka shprehur për ‘The Examiner’.

“Trajneri ka folur me mua, nuk është situatë e lehtë”, tha fillimisht mbrojtësi nga Deçani.

“Skuadra është duke luajtur mirë dhe mua më duhet të pres për shansin tim”, vlerësoi Hadërgjonaj.

“Natyrisht, nuk jam i lumtur, dua të luaj. Kjo është normale për një futbollist profesionist”, shtoi ai.

Ndryshe, Hadërgjonaj javëve të fundit është lidhur me një kalim te gjiganti turk Fenerbahçe, derisa edhe trajneri Volkan Demirel ka dhënë dritën e gjelbër për transferimin e yllit të Kosovës./Zëri.info