Shpërndahen pajisjet te përfitueset e skemës së granteve “Gratë në Biiznes dhe Ndërmarrësit e Rinjë

Kamenicë – Drejtoresha për Zhvillim Ekonomik dhe Diasporë Majlinda Krasniqi, bashkë me nënkryetarin Bojan Stamenkoviq dhe ekipin e Socio-Projekt 2, sot kanë shpërndarë pajisjet te përfituesit e skemës së granteve “Gratë në Biznes dhe Ndërmarrësit e Rinjë”, që janë pjesë e nën Komponentit të tretë të Projektit “Mbështetja e Themelimit të Bizneseve Fillestare”.

Këto pajisje u shpërndanë tek përfitueset Besa Rahimaj Canaj, Margaritë Shkodra dhe Svetlana Dimic, të cilat do të zhvillojnë bizneset e tyre në fushat rrobaqepësi e gastronomi.

Drejtoresha e DZHED, Majlinda Krasniqi tha se po punojnë vazhdimisht të përkrahin ndërmarrësit e rinjë.
“Përfitueseve u dëshirojmë suksese në fillimet e bizneseve te tyre”, shtoi ajo.
Ndërkaq, nënkryetari Stamenkoviq falënderoi të gjithë bashkëpunëtorët për punën dhe angazhimin, duke uruar që ky projekt mos të jetë i fundit.