Shpërndahen edhe 15 tabletë për nxënësit me nevoja të veçanta “Abaz Ajeti” dhe “Nazmi Hoxha”

Gjilan – Komuna e Gjilanit ka shpërndarë sot 5 tabletë për nxënësit me nevoja të veçanta të shkollave fillore, “Abaz Ajeti” dhe “Nazmi Hoxha”, të cilët janë donacion i Lazim Destanit dhe kompanisë Ekolog.

“Pajisja me tabletë në kohë pandemie është shumë e rëndësishme për këta nxënës në mënyrë që edhe kjo kategori e nxënësve ta përcjellë mësimin online. Bashkë me kryetarin e Komunës z. Haziri jemi duke i shqyrtuar të gjitha mundësitë për ta përfshirë edhe pjesën tjetër të nxënësve në mënyrë që të kenë mundësi për t’u përgatitur për testin e arritshmërisë dhe testin e maturës”, ka thënë drejtori i Arsimit, Nazim Gagica.

Një fjalë falënderimi për mbështetjen e pati edhe drejtori i shkollës fillore “Abaz Ajeti”, Arsim Bejtullahu./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).