Shpërblehet regjisori Erson Zymberi

Gjilan – Kemi kënaqësinë të ju informojmë se shfaqja e Teatrit të Qytetit të Gjilanit “Pacienti i Dr. Frojdit” e autorit Miro Gavran e në regji të Erson Zymberit, është shpërblyer me çmimin “Sylejman Pitarka që jepet për regjinë më të mirë të Festivalit “Teatri Shqiptar ne Maqedoni” , Dibër 2002-2013.

Sipas zyrtareve të teatrit të Gjilanit në konkurrence ishin shfaqjet: Teatri Kombëtar i Kosovës me shfaqjen “Perplasjet”, autor dhe regjisor Ekrem Kryeziu , Teatri i Qytetit – Gjilan me shfaqjen “Pacienti i Dr. Frojdit”, autor: Miro Gavran e në regji të Erson Zymberit.

Teatri Shqiptar i Shkupit me shfaqjen “Paraja” autor: Rej Kunej, regjisor: Ilir Bokshi.

Teatri i Kumanovës, me shfaqjen Çfarë ka parë shërbëtorja, autor: Joe Orton, regjisor: Kastriot Saqipi.

Teatri “Petro Marko” – Vlore, me shfaqjen “Të gjithë me huqe”, autor: Laurent Bafi, regjisor: Eliona Thomaraj.

Teatri “Andon Zako Cajupi” – Korçe me shfaqjen ” Borxhezi fisnik” autor: Molieri, regjisor: Erion Isai.

Akademia e Arteve – Tirane me shfaqjen “Joan Padan dhe Amerikat”, Dario Fo, regjisor: Milto Kutali.

Juria në përbërje: Salajdin Salihu, Milto Kutali dhe Agim Selimi vlerësuan shfaqjet gjate tërë festivalit.

Teatri i Qytetit në Gjilan falënderon organizatorët e Festivalit, publikun e mrekullueshëm, aktorët, regjisorin dhe të gjithë ata që ndihmuan në realizimin e kësaj shfaqjeje./rajonipress/