Shpallen rezultatet: Nisma s’e kalon pragun, këto janë votat përfundimtare të VV-së, LDK-së, PDK-së e AAK-së
RajoniPress
11:25, 7 Nëntor, 2019
Kryetarja e KQZ-së, Valdete Daka, ka shpallur rezultatin e zgjedhjeve të gjashtë tetorit, raporton Gazeta Express.
Daka fillimisht ka treguar statistikat e përgjithshme.
“Janë statistikat e përgjithshme, numri i votuesve të regjistruar ka qenë një 1 milion e 961 mijë votues. Numri i votuesve që kanë votuar jashtë vendvotimeve është mbi 50 mijë dhe pjesëmarrja në votime është 44,72%. numri i pranuar i fletëvotimeve të vlefshme është 844.121 fletëvotime, të pavlefshme 25.485 fletëvotime”, ka thënë ajo.
Ajo ka treguar edhe rezultatet e subjekte politike.
“Rezultatet sipas subjekteve politike janë: Lëvizja Vetëvendosje ka fituar gjithsej 220.811 vota ose 26,29%, LDK-ja 206.458 ose 24,458%, PDK-ja ka 178.645 ose 21,163%. AAK-PSD ka 96.883 vota ose 11,47t%, Lista Serbe 57.015 vota ose 6,74%, Nisma-AKR-PD 42.072 vota ose 4.984%”, tha Daka. /GazetaExpress/
