Shoqëria civile mbështet Listën preshevare për zgjedhjet parlamentare

“Koalicioni i shqiptarëve të luginës”, kështu mban titullin Koalicioni i tri partive politike nga Bujanoci: PVD,PD,LPD, të cilat tashmë kanë filluar grumbullimin e nënshkrimeve për certifikimin e listës zgjedhore për zgjedhjet parlamentare në Serbi.

Ko listë nuk është unike si ajo e para dy vjetëve kur Marrëveshja e 2020-tës, e themeluar në bazë të parimeve të sinkronizuara me shtetin Amë, “si udhërrëfyes dhe garancë afatgjate për qasje të unifikuar, ku të gjitha palët pjesëmarrëse të saj ndjehen të barabarta dhe të motivuara në gjithë këtë proces”.

Partitë politike të Bujanocit shkelën marrëveshjen, duke krijuar edhe një jaz tjetër të përçarjeve brenda partive politikë shqiptare, duke detyruar partitë politike shqiptare në Preshevë të formojnë Listën për zgjedhjet parlamentare edhe atë APN dhe LR.

Spektri politik shqiptar i Luginës ka vendosur që me dy lista të garojnë në zgjedhjet parlamentare serbe, duke treguar për herë të parë në historinë e këtij rajoni shembullin e keq të mosunitetit në këtë nivel zgjedhor, jo aq të favorshëm karshi situatës së palakmueshme që po mbretëron në vend dhe rajon.

Shoqëria civile e Luginës së Preshevës mbështet Listën preshevare për zgjedhjet parlamentare, për disa arsye: e para se janë në vijë me Marrëveshjen e shtetit Amë, së dyti se Presheva, mjaft ka lëshuar pe për hatër të Bujanocit, qoftë për zgjedhjet parlamentare, qoftë për ato nacionale dhe së treti partitë politike në këtë komunë janë të shantazhuara që ta shkatërrojnë unitetin shqiptar në këto hapësira etnike për qëllime personale, partiake dhe pushtetare.

Shoqëria civile e Luginës së Preshevës, me kohë ua ka tërhequr vërejtjen subjekteve politike, të cilat shkelin marrëveshjet dhe mbjellin përçarje, që të ndalen nga shantazhet dhe obstruksionet të cilat çojnë ujë në mulli të armikut dhe janë një kancer i shoqërisë shqiptare, e cila në këtë rajon kurrë nuk ka qenë kaq e ndarë e përçarë dhe e katandisur si mos më keq, njofton Jetapress.

Shpërndaje.
© RAJONIPRESS