Shoqëria Civile ka mandat për unifikimin e subjekteve politike për ardhmërinë qytetare të Bujanocit

Koordinatori i Shoqërisë Civile Nexhmedin Sqipi, ka përsëritur qëndrimet rreth nismës për unifikimin e subjekteve politike shqiptare para dhe pas zgjedhjeve të 21 qershorit për ardhmërinë qytetare të Bujanocit.

Shoqëria Civile ka mandat për unifikimin e subjekteve, çdo përpjekje të subjekteve politike veç e veç për të marrë iniciativë të tillë, nuk do të reflektoj pozitivitet në unitet, të cilin ata nuk e kanë arritur qe 18 vjet. Mungesa e unifikimit të subjekteve politike deri tani ka prodhuar mospajtime, përçarje, ngërç politik dhe ndarje në pozitë dhe opozitë shqiptare.

”Shoqëria Civile” nuk garon për pushtet, kurse partitë politike e kanë me program luftën për pushtet, prandaj nisma e tyre nuk sjell rezultat se secila nga 5 listat zgjedhore kërkon të parin e komunës, prandaj edhe uniteti është i zorshëm dhe i sikletshëm, thekson Koordinatori Nexhmedin Saqipi.

Për dallim nga zgjedhjet e kaluara për pushtet lokal, këto të 21 qershorit do të jenë më të komplikuara për shkak pandemisë, pasivizimit të vendbanimeve shqiptare dhe parregullsive të regjistrave të regjistruesve, nuk është komoditeti i elektoratit shqiptarë të sigurojë 30 ulëse në parlamentin lokal si më parë, e aq më pak kur elektorati serb është pozicionuar në 2 lista të përbashkëta.

Si do që të jetë iniciativa e parë për unifikimin e subjekteve politike rrjedh nga Shoqëria Civile, të cilën e mbështesin dhe përkrahin disa subjekte e që pritet ta përkrahin edhe disa tjera, nga se është në interesin e tyre dhe të qytetarëve të cilat presin më shumë nga zgjedhjet e reja, njofton Jetapress.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).