Shoqata “Medvegja” nga Zvicëra vazhdon të ndihmojë banorët e Medvegjës

Medvegjë – Shoqata Humanitare “Medvegja” nga Zvicëra dje i ka dhuruar ndihmë financiare në vlerë prej 500 euro z. Ismet Aliut nga fshati Sjarinë i komunës së Medvegjës për blerjen e barnave të nevojshëm për shërim, kemi mësuar nga kryetari i Komisionit Humanitar pranë shoqatës, Hamdi Halimi.

Po ashtu, gjatë ditës së djeshme është firmosur edhe deklarata ndërmjet sh.h. “Medvegja” dhe përfituesit të ndihmës z. Sinan Sinanit nga fshati Tupallë rreth donacionit të dhënë më parë, një lopë në vlerë prej 1.000 euro, donacion ky i cili sipas marrëveshjes mund të shfrytëzohet por jo edhe të tjetërsohet brenda afatit 3 vjeçar.

Ndër të tjera, kryetari i komisionit humanitar pranë sh.h. “Medvegja” nga Zvicëra bën të ditur se shoqata do të vazhdojë të financojë transportin e nxënësve në Medvegjë të cilët nuk kanë asnjë anëtar të familjës të punësuar. Bëhet fjalë për 11 nxënës, financimi i së cilëve do të vazhdojë deri në përfundim të vitit rrjedhës shkollor, përfundoi Halimi. (redaksia mepress.info)