Shoqata “Herodoti” kërkon restaurimin dhe ruajtjen e mullirit në Tërnoc

Shumica e mullinjëve, janë në ambient autentik dhe natyror, pranë burimit, lumenjëve të vegjël, gati gjithmonë në natyrë shumë të pasur dhe të bukur.

Në mullinj janë bluar drithrat për të bërë miell për bukë, që ka qenë produkti kryesor dhe ushqimi për popull. Përveç qëllimit të tyre, mullinjtë kanë qenë vende të rëndësishme, ku janë takuar vendasit, për të arritur marrëveshjet dhe vendimet e rëndësishme. Ata kanë pasur rëndësi më të gjerë shoqëror.

Shoqata e historianëve “Herodoti” në një takim të saj diskutoi rreth çështjes së ruajtjes së objekteve të cilat janë të rëndësishëm për banorët e fshatit por edhe të gjith rajonit.

Kryetari i shoqatës Muhamed Jashari me theks të veçant emroi mullirin e fshatit Tërnoc i cili është në gjendje të mjerueshme ndërtimore.Ky mulli sipas fjalëve të Muhamed Jasharit mund të konsiderohet edhe si ndërtesë trashëgimie edhe pse është në pronësi private.

Restaurimi i mullirit me ujë do të ofrojë mundësinë për vizitorë të kenë një vend-pushim gjatë kohës sa dëshirojnë të qëndrojnë në mulli duke patur mundësinë që të blejnë miell misri drejtpërdrejtë nga prodhimi.

Mulliri i restauruar do të ofrojë njohuri për jetën tradicionale duke kombinuar atë me turizëm rural për të ofruar kushte sa më të mira dhe mundësi të shumta për vizitorë që ta shohin traditën e vjetër drejtpërdrejtë dhe të mësojnë nga ajo.

Pra mulliri në dalje të fshatit Tërnoc meriton një restaurim të shpejt dhe për këtë iniciativë shoqata e historianëve “Herodoti” në Bujanoc do të angazhohet që ai të marrë një pamje të meritueshme në Tërnoc.Kuvendi i shoqatës unanimisht miratoi këtë propozim dhe së shpejti do të mirren veprimet materiale-administrative të bazuara në donacione thuhet në njoftimin e Shoqatës së historianëve “Herodoti”./Lugina Press/