Shoqata e të Verbërve të Gjilanit shpallet kampion në Goalball

Gjilan – Shoqata e të Verbërve të Gjilanit është shpallur kampion në Goalball, në kuadër të Kampionatit Republikan të Kosovës, i cila është mbajtur në Durrës.

Kjo ishte hera e 10-të që Shoqata e të Verbërve të Gjilanit është shpallur kampion në këtë kompeticion.

Kryetari i Komunës së Gjilanit, Lutfi Haziri, i cili ka mbështetur këtë shoqatë duke ua siguruar transportin, ka uruar ata për këtë sukses të arritur, për të rikonfirmuar mbështetjen e vazhdueshme edhe në të ardhmen për këtë dhe shoqatat tjera.

Ndërsa, kryetari i Shoqatës së të Verbërve në Gjilan, Bajram Spahiu, ka shprehur entuziazmin për suksesin e arritur, përderisa ka falënderuar kryetarin Haziri për mbështetjen e vazhdueshme./rajonipress/