Shoqata e shkrimtarëve “FENIKS” (Preshevë, Bujanoc dhe Medvegjë) i përmbyll aktivitetet për vitin 2019

Shoqata e Shkrimtarëve “Feniks”, i përmbyllë aktivitetet e saja të parapara me plan dhe statut të Shoqatës për vitin 2019.

Sipas kryetarit Bilall Maliqi, ky vit që po e lëmë pas ishte i suksesshëm, duke mbajtur orë letrare nëpër shkolla të Luginës së Preshevës dhe më gjerë.

“Shoqata e Shkrimtarëve “Feniks”, pati suksese të mëdha gjatë këtij viti, duke u nisur nga organizimi i orëve letrare nëpër shkolla të Luginës së Preshevës dhe më gjerë në kuadër të Karvanit të Shkrimtarëve të Luginës”.

Ai më tej nënvizoi sukseset e kësaj Shoqate në shumë dimensione, duke shtuar edhe botimin e librave, përurimin e tyre si në Preshevë e në Bujanoc.

“Kemi pasur shumë orë letrare, të cilat i kemi filluar me Manifestimin “Flaka e Janarit”, orë letrare dedikuar martirëve të lirisë, duke vazhduar kështu edhe në shkolla të tjera si në Preshevë, Bujanoc dhe Medvegjë, ku gjithsejt janë mbajtur 20 orë letrare. Pati edhe 8 botime dhe përurime librash të autorëve nga Lugina, shumica e tyre anëtarë të Shoqatës së Shkrimtarëve “Feniks”.

Po ashtu kryetari Maliqi, foli edhe për Manifestimin e madh kulturor “Kultura na bashkon”, që u zhvillua në Preshevë, më 12.10.2019.

“Po, njëri nga Manifestimet kulmore të Shoqatës ka qenë Manifestimi i cili synohet të jetë tradicional “Kultura na bashkon 2019”, në theks të veçantë, tribuna letrare për poeteshën e ndjerë Fehime Selimin, në të cilën morën pjesë poetë nga vise të shumta shqiptare. Në këtë Manifestim, pati tri kumtesa. Me mirënjohje për kontribur, pas vdekjes u nderuar poetesha Fehime Selimi. Me mirënjohje për veprimtari jetësore, u nderua shkrimtari i njohur preshevarë Ramadan Rexhepi, si dhe me mirënjohje për kontribut Qenan Hamdiu, i cili i sponzoroi pesë numra të revistës së vetme letrare “Qëndresa”. Po këtë ditë u ndan katër çmime për poezitë më të mira të lexuara”, nënvizoi Maliqi.

Ai, në fund shtoi se Shoqata e Shkrimtarëve “Feniks (Preshevë, Bujanoc dhe Medvegjë), do të vazhdoj me aktivitetet e saja për vitin 2020, kah mesi i muajit janar, dhe se Shoqata “Feniks” është lidere në rajon për nga aktivitetet e zhvilluara./rajonipress/