Shoferi kosovar, me patentë të rremë në rrugët e Austrisë

Një 21-vjeçar nga Kosova, pas një aksidenti në rrugët e Austrisë është identifikuar se ishte duke ngasur veturën me patentë të rremë.

I riu kishte marrë me qira një veturë dhe derisa ngaste në drejtim të Shardingut, ai rrëshqet dhe përplaset në anësoret e autostradës. Djaloshi, së bashku me pasagjerin tjetër, po ashtu nga Kosova, shpëtuan fatmirësisht pa dëmtime, shkruan nachrichten.at, përcjell albinfo.ch.

Në vendin e ngjarjes erdhi policia, ku shoferi i veturës iu nënshtrua testit të alkoolit, i cili kishte vlerë 0.84. Kosovari paraqiti një patentë, të cilën policia austriake e zbuloi se ishte e rremë.

Si rezultat i kësaj, 21-vjeçari do të paraqitet në Prokurorinë e Ridit.

http://www.albinfo.ch/shoferi-kosovar-me-patente-te-rreme-ne-rruget-e-austrise/