Shkurte Fejza me dy këngë për 100 vjetorin

Këngëtarja e njohur kosovare, Shkurte Fejza padyshim është në listën e këngëtarëve që dihet se i janë gëzuar më shumë çdo triumfi të kombit shqiptarë. Dhe falë gjithë përjetimeve, nuk mungon as gëzimi i saj për festën e 100 vjetorit të pavarësisë së Shqipërisë dhe me këtë rast ajo ka vendosur ta shpreh atë përmes këngës.

Duke publikuar dy këngë për hir të kësaj date, Shkurta uroi të gjithë popullin shqiptarë për 100 vjetor.
Këngët që ajo ka zgjedhur t’i punojë për këtë festë janë për Çamërinë dhe Junikun.

Klipi i këngës, “Kuvendi i Junikut” është xhiruar në Junik, tregon Fejza. Të gjithë ata që janë pjesë e këtij klipi janë burrat e Junikut dhe falë gatishmërisë së tyre nuk ka pas nevojë të aranzhojë aktorë. E veçanta e këtij klipi është edhe zëri në fillim dhe në fund të klipit, i cili është original i patriotit Hasan Prishtina, tha Shkurta.

Kënga tjetër e Shkurte Fejzës për festën e pavarësisë është “Vallja çame”. Që të dy klipet janë punuar nga EMF Creative dhe paraqesin frymën e vërtetë të festës dhe traditës shqiptare. /Indeksonline/