Shkurte Fejza dhe Kastriot Tusha me “Një zemër” për 10 vjetorin e Pavarësisë
RajoniPress
22:48, 2 Shkurt, 2018
Me afrimin e festës së 17 shkurtit, ditë kjo në të cilën këtë vit kremtohet edhe 10 vjetori i Pavarësisë së Kosovës, shumë këngëtarë nga estrada janë aktivizuar për të sjell këngë të reja që përkojnë me festën.
Shkurte Fejza e Kastriot Tusha janë dyshja që së fundmi kanë lansuar këngën e tyre më të re me titull “Një zemër”.
Kënga është me motive patriotike dhe është punuar nga Edmond Zhulali, gjersa vargjet e tekstit i ka shkruar Faruk Tasholli.
“Një zemër” është finalizuar me një klip të detajuar, i cili sjell pamje nga Kalaja e Krujës dhe shumë monumente tjera historike.
Producent i projektit është bashkëshorti i këngëtares Fejza, Harjush Behluli.
Ana vizuale e klipit i është besuar produksionit “Dream Pictures”. /Telegrafi/
